به‌رهه‌مه نوێکه‌ی به‌رزان هه‌ستیار (ساڵێک له نیگه‌رانیی) هه‌ر خودی هۆنراوه‌ی ساتێک له نیگه‌رانیی ده‌نووسمه‌وه‌یه، که له ناوه‌ڕاستیی 2006ه‌وه ده‌ستی پێکرد و هه‌رجاره‌ی چه‌ند کۆپله‌یه‌کی له سایته‌کانی وه‌ک (چراکان، ده‌نگه‌کان، کڵاوڕۆژنه، چرا، کوردستان نێت)دا بڵاوده‌کرده‌وه. هه‌نووکه ناوی شیعره‌که گۆڕدراوه و بووه به ساڵێک له نیگه‌رانیی. بۆچیی به‌رزان هه‌ستیار ناوی شیعره‌که‌ی ده‌گۆڕێت؟! وه‌ڵامی ئه‌م پرسیاره له‌لای منه. به‌رزان هه‌ستیار ناوی شیعره‌که‌ی بۆیه ده‌گۆڕێت، هه‌تاوه‌کوو ناوه ناوێکه‌ی بکات به‌پردێک بۆ گواستنه‌وه‌ی ئه‌و نوێگه‌رییه‌‌ی، که من هۆنراوه‌ی هه‌ر ڕۆژه‌ی پۆستێکدا خستوومه‌ته به‌رده‌می خوێنه‌ر. ئه‌و ده‌مه‌ی من ده‌ستم به نووسیینی هه‌ر ڕۆژه‌ی پۆستێک کرد، هه‌واڵی به‌رهه‌مه‌که‌ی خۆمم به چه‌ند هاوڕێیه‌کم گه‌یاند و چه‌ند لاپه‌ڕه‌یه‌کیشم له ده‌ستپێکردنه‌که بۆ ناردن، له نامه‌که‌مدا تیشکم خستبووه سه‌ر ته‌واوی کاره‌که‌م، که ئه‌مه هه‌ڵه‌یه‌کی گه‌وره‌ی من بوو. چونکه دواکات له ڕێگای ئه‌و هاوڕێیانه‌مه‌وه سه‌ره‌تاکه ده‌ست زۆر که‌سی تر که‌وتبوو.

ناوه‌ڕۆکی هه‌ر ڕۆژه‌ی پۆستێک هێنده قوڵبوونه‌وه‌یه له هزردا، که‌متر له ده‌رگای بواری تری داوه. له‌م هۆنراوه‌یه‌دا من ته‌واو و ڕێک بیۆگرافیی هزری ساڵێکی خۆمم نووسیوه‌ته‌وه، که به‌رزان هه‌ستیار ناوی شیعره‌که‌ی ده‌گۆڕێت و درێژی ده‌کاته‌وه بۆ کاری ساڵێک هیچی نه‌کردووه بێجگه له غه‌درێک له ماندووبوونی من. من زۆر گه‌ڕام له ئینته‌رنێتدا ته‌واوی ئه‌و لینکانه بدۆزمه‌وه، که پێشتر به‌رزان هه‌ستیار ساتێک له نیگه‌رانیی ده‌نووسمه‌وه‌ی تێدا بڵاوکردبۆوه، لێ پێده‌چێت هه‌موویانی ناچالاک کردبێت. من خۆم ته‌نانه‌ت دواهه‌میین به‌شی ساتێک له نیگه‌رانیی ده‌نووسمه‌وه‌م له کڵاوڕۆژنه و ده‌نگه‌کاندا خوێنده‌وه، که کۆتایی ئه‌و هۆنراوه‌یه بوو، لێ هه‌نووکه بووه به به‌رهه‌می ساڵێک.

www.pertwk.com/pdf/sallek_le%20_nigerani.pdf

من له 1.08.2006 دا ده‌ستمکردووه به هه‌ر ڕۆژه‌ی پۆستێک و له 22.09.2007 دا کۆتاییم پێهێناوه و له ئۆکتۆبه‌ری 2007 دا له کوردستانپۆستدا بڵاومکرده‌وه و پاشان ناردم بۆ سایتی په‌ڕتووک.

له‌ناو کورددا له‌سه‌ر ده‌ستی هه‌ڵبژارده‌یه‌ک ته‌کییه و دیوه‌خان دروستکردن له‌پێناوی ستایشکردنی شێخێک و کۆکردنه‌وه‌ی ده‌روێشدا بووه به مۆدێکی سه‌رده‌مییانه. هه‌موو ئه‌و ده‌روێشانه‌ش خه‌ریکی دروستکردنی فه‌قێن، ئاخر ئه‌وانیش پێویستیان به ستایشکردن هه‌یه.
پۆڵا سه‌عید
10.07.2008